Enstîtuya Şanoyê ya Navneteweyî (ITI) Rêxistina Cîhanî ya Hunerên Performansê Peyama Roja Şanoy a Cîhanê 2021- 27ê Adarê Nivîskara Peyamê: Helen MIRREN, Îngilistan Lîstikvana sehneyê, sînema û televîzyonê Peyama Roja Şanoya Cîhanê 2021 a Helen MIRREN “Ji bo performansa rûbirû hêjî serdemeke pir dijwar e û gelek lîstikvan, teknîker, kedkar û jinên vê pîşeya ku ji zû ve neewle ye li ber xwe didin. Belkî jî bîr û baweriya wan kir ku ew di vê neewlebûna herheyî ya pandemiyê de bêtir sax bimînin. Xeyalên wan di van şert û mercên nû de, piranî bi saya înternetê, bi awayekî resen, bi rê û dezgeyên avakar, bicoş û lezgîn, jixweber wergerîya. Mirovahiyê ji roja roj de li ser rûyê vê gerstêrkê ji hev re çîrok gotine. Çanda bedew a şanoyê heta ku em li vir bin ew ê hebe. Vîna afirîner a nivîskar, sêwrîner, danser, stranbêj, lîstikvan, muzîkjen û derhêneran ew ê qet venemire û di demeke nêz de bi hêzeke nû, ew ê geş bibe û bibe têgihîneke nû ya cîhana me ya hevp
Hemû Dinya Sehneyek e, Û hemû jin û mêr tenê lîstikvanên wê ne. Yek tê sehneyê û ê din jê derbas dibe. Her kes bi qasî para xwe gelek dilqan dilîze. Heft demên jiyanê hene. Ewilî zarokekî berşîr e; Bi girî û grêz di nav destê dê de; Piştre bi çentê xwe zarokekî dibistanê Bi rûkeniya sibehê weke qapûşkê bi teql Bêdîlî diçe dibistanê. Dora nûciwanî ye; Sergerm e, bi rêzikên bêhevî Distrê li ser ebrûyê yarê. Zû tê wexta şervanîyê Mişt bi sondên ecêb weke pilingekî bisimbêl Çav li rûmetê, di şer de bi lez û bez, Digere li dû kela navdengîyê Li ber devê topa êgir jî be. Piştre dibe yekî dadwer, Mafdar e bi zikê têr û xemla xwe, Bi dêm û awirên giran Tije ye bi şîret û salixdanên serdemê; Bi vî teherî dibuhirîne navserîyê. Sehne diguhere Ew êdî kalekî navmal û bêmecal e. Berçavk daketîye ser bêvilê, bêrîk tije ye. Çi fêde cil û bergên ciwanîyê lê fireh e. Bi ser hev de xwar bûye û dengê wî yê qewîn Dîsa vegeriyaye sewta zaroktîyê Weke bayê fîkandinê di dev de ye. Û sehneya dawî Bi xwe